सार्वजनिक बांधकाम मंत्री मा. ना. रवींद्रजी चव्हाण आणि इतर मान्यवरांच्या प्रमुख उपस्थितीत पार पडलेला नवीन वास्तूचा भूमिपूजन सोहळा.
दि. १८ मार्च २०२६ रोजी नगर वाचनालयात अॅड. दीपक पटवर्धन लिखित ‘सहकार स्वरुपा’ या पुस्तकाचा प्रकाशन सोहळा उत्साहात संपन्न झाला.
वाचनसंस्कृतीला प्रोत्साहन देण्यासाठी दरवर्षी उत्कृष्ट वाचकाचा ‘ग्रंथसखा पुरस्कार’ देऊन गौरव करण्यात येतो.
दि. २१ ऑगस्ट २०२४ रोजी नगर वाचनालयात श्री. चंद्रशेखर टिळक यांचे "गुंतवणूक २०२४ नंतर" या विषयावर मार्गदर्शनपर व्याख्यान आयोजित करण्यात आले.
रत्नागिरी (जिल्हा) नगर वाचनालायत सभासद व वाचकांसाठी सुसज्ज असा मुक्त वाचनकक्ष केलेला आहे. या वाचनकक्षात विविध विषयांवरील मासिके, पक्षिके, दैनिके उपलब्ध करून दिलेली आहेत. नैसर्गिक प्रकाशयोजना, खेळती हवा, तसेच शांत व प्रसन्न वातावरण यामुळे दररोज सुमारे 150 ते 200 वाचक या मुक्त वाचनकक्षाचा लाभ घेत असतात. तसेच, विद्यार्थीवर्गही आपल्या अध्यापनासाठी या वाचन कक्षाचा लाभ मोठ्या प्रमाणावर घेत असतो.
प.पू.श्री स्वामी स्वरुपानंद, स्वातंत्र्यवीर वि.दा.सावरकर, 'आधुनिक मराठी गद्याचे जनक' म्हणून ओळखले जाणारे विष्णूशास्त्री चिपळूणकर तसेच लोकमान्य टिळकांचे पिताश्री गंगाधरराव टिळक यांसारख्या विभूतिंच्या पद्स्पर्शाने पुनीत झालेले ग्रंथालय
रत्नागिरी (जिल्हा) नगर वाचनालय हे महाराष्ट्रातील संगणकीकृत असलेले पहिले ग्रंथालय आहे. ग्रंथालयाचे सर्व ग्रंथालयीन कामकाज हे ग्रंथालयाने स्वतः विकसित केलेल्या लिम्ज प्रणाली (Library Management System) व्दारे चालते.
वाचनालयाचा अध्यक्ष म्हणून या संकेतस्थळाच्या माध्यमातून आपल्या सेवेत रुजू होताना खूप आनंद होत आहे. वाचनालयाचे नवीन संकेतस्थळ तयार करून वाचनालयाला अंतरराष्ट्रीय स्तरावर नेण्यासाठी आणि वाचनालयाची ग्रंथसंपदा आपल्यापर्यंत पोचवण्यासाठी आमचे प्रयत्न चालू होते व त्यादृष्टीने वाचनालयाने ठोस पावले उचलण्यास सुरुवातही केली होती. या प्रयत्नांना आपल्या शुभेच्छांची जोड मिळाली आणि आज आम्ही या संकेतस्थळाच्या माध्यमातून आपल्या सेवेत रुजू होत आहोत.
सविस्तर वाचारत्नागिरी नगर वाचनालयात यापूर्वी बऱ्याच वेळा येऊन गेलो आहे. यंदा कार्यकारी मंडळाच्या सदस्यापैकी काही जणांना भेटण्याचा योग आला. वाचनालयाला आता स्वतःच्या अधिक मोठ्या इमारतीची आवश्यकता आहे. यासाठी प्रयत्नही चालू आहेत. नगर वाचनालयाला स्वतःच्या नव्या इमारतीत गेलेले पाहण्याचा योग लवकरच येवो अशी सदिच्छा व्यक्त करतो.
कुठल्याही क्षेत्रातील सार्वजनिक कार्य हे समाजात एक घट्ट वीण बांधीत असते आचारांची, विचारांची, संस्कृतीची, साहित्याची. ही कार्यदिंडी अशीच या मार्गावरून पुढे जाऊदे मागे वळून पाहाल तेव्हा पूर्ण मार्ग याच आचाराविचारांनी सुशोभित झालेला असेल.
प्रमुख घडामोडी
गेल्या ३० वर्षांच्या अखंड सहवासातून आणि सलग २७ वर्षांच्या प्रयत्नांनंतर वाचनालयाच्या जमिनीचे लीज शासनाकडून प्राप्त झाले आणि नवीन वास्तू उभारण्याचा संकल्प साकार झाला. २५ डिसेंबर २०२४ रोजी नवीन इमारतीच्या बांधकामास प्रारंभ झाला. मर्यादित साधनसामग्री, आर्थिक आव्हाने आणि निधी उभारणीसाठीच्या अथक प्रयत्नांतून विविध संस्था, सहकारी बँका, पतसंस्था, सभासद, मित्रपरिवार आणि हितचिंतकांच्या सहकार्याने हे कार्य पुढे सरकत आहे. आजवर सुमारे ८,००० चौ. फूट बांधकाम पूर्ण झाले असून तळमजल्याचे काम अंतिम टप्प्यात आहे. नवीन वास्तूमध्ये प्रशस्त ग्रंथालय विभाग, बालविभाग, अभ्यासिका, डिजिटल सुविधा, संचालक सभाकक्ष तसेच भारतरत्न अटलबिहारी वाजपेयी सभागृहाची निर्मिती करण्यात येत आहे. येत्या नोव्हेंबरपर्यंत हे काम पूर्ण करून वाचनालय नव्या, आधुनिक आणि आकर्षक रूपात वाचकांच्या सेवेत दाखल करण्याचा निर्धार आहे. १९७ वर्षांची समृद्ध परंपरा लाभलेल्या या ग्रंथमंदिराला पुढील पिढ्यांसाठी सुरक्षित, सुसज्ज आणि प्रेरणादायी स्वरूप देणे हेच आमचे ध्येय आहे.
25-06-26
रत्नागिरी जिल्हा नगर वाचनालय
जयस्तंभ, खारेघाट रोड, रत्नागिरी-४१५६१२ ,महाराष्ट्र
(02352) 222570, 8275723721
info@nagarvachanalay.org
सकाळी ९.०० ते १२:३०, सायंकाळी ३:३० ते ७:३०
