• १) कोणत्याही तारखेपासून सभासद होता येईल. वर्गणी संपूर्ण महिन्याची घेतली जाईल.
• २) वर्गणी दरमहा आगाऊ १० तारखेचे आत दिली पाहिजे.
• ३) पुस्तके नेल्यापासून १५ दिवसात पुस्तक परत केले पाहिजे. पुन्हा तेच पुस्तक हवे असल्यास री-इश्यु करून घ्यावे. मात्र पुन्हा नोंद न केल्यास व असे पुस्तक १५ दिवसानंतर परत आल्यास पुढील प्रत्येक दिवसाला एक रुपया विलंब शुल्क आकारण्यात येईल. विलंब शुल्क न दिल्यास पुढील पुस्तक मिळणार नाही.
• ४) अंक विभागाच्या सभासदांना आपल्या खात्यावर एक अंक मिळू शकेल. तीन दिवस अंक ठेवता येईल. अंक चौथ्या दिवशी परत करावा. अंक चौथ्या दिवशी परत न केल्यास पुढील प्रत्येक दिवसाला एक रुपया शुल्क आकारले जाईल.
• ५) पुस्तक, मासिक किंवा वर्तमानपत्र अगर कोणतेही वाचन साहित्य हरविल्यास अगर खराब केल्यास त्याची इतर सर्व खर्चासह किंमत भरून द्यावी लागेल.
• ६) दररोज फक्त एकदाच पुस्तक किंवा अंक बदलता येईल.
• ७) एखाद्या पुस्तकाला जास्त मागणी असल्यास, ग्रंथालयाने त्या पुस्तकाकरीता (नंबर) क्लेम सुरु केला असल्यास व आपणास ते पुस्तक हवे असल्यास , आपण क्लेम लावावा. आपला नंबर येताच पुस्तक उपलब्ध करून दिले जाईल.
• ८) तीन महिन्यापेक्षा जास्त दिवस वर्गणी येणे राहिल्यास कोणतीही पूर्वसूचना न देता पुस्तक देणे बंद केले जाईल.
• ९) आपल्या खात्यावर दुसऱ्या इसमास पुस्तक देण्याचे असल्यास सभासदाने लेखी चिट्ठी द्वारे कळविले पाहिजे.
• १०) खाते बंद करताना अनामत रक्कम परत करण्यात येईल. मात्र महिना अखेरीस अंक, पुस्तके वगैरे जमा केलेली पाहिजे. नवीन महिन्याच्या ५ तारखेनंतर पुस्तके जमा केल्यास आणि या तारखेनंतर खाते बंद करायचे असल्यास चालू महिन्याची वर्गणी द्यावी लागेल. खाते बंद करण्याचा अर्ज अनामत भरल्याच्या पावतीसह द्यावा.
• ११) कोश, संदर्भ या इंग्रजी/मराठी यादीतील कोणताही ग्रंथ खात्यावर मिळणार नाही. मात्र तो सभासदांना ग्रंथालयात पाहता येईल.
• १२) खात्यावर असलेली पुस्तके, वर्गणी जमा करून खाते ३ महिन्यापर्यंत स्थगित ठेवता येईल.स्थगित कालावधीत वर्गणी आकारली जाणार नाही. तीन महिन्यानंतर खाते चालू न केल्यास ते न कळविता बंद केले जाईल.
• १३) प्रत्येक खात्यावर एकाच दिवाळी अंक दिला जाईल. अंक नेल्यापासून तो ३ दिवस ठेवता येईल. अंक चौथ्या दिवशी परत न केल्यास पुढील प्रत्येक दिवसाला १ रुपया विलंब शुल्क आकारले जाईल.
• १४) अर्जात दिलेला पत्ता बदलल्यास ताबडतोब कळवावे.
• १५) वर्गणी दिल्याची पावती घ्यावी व ती राखून ठेवावी.
• १६) बालविभागाच्या सभासदांसाठी पालकांच्या संमतीची जरुरी आहे.
• १७) खालील दिलेल्या कोष्टकाप्रमाणे पुस्तके मिळतील.
• १८) पुस्तक देवघेव पद्धतीची सुरुवातीलाच माहिती करून घ्यावी.
• १९) काही माहिती हवी असल्यास दिली जाईल. माहितीसाठी ग्रंथालयीन वेळात ग्रंथपाल किंवा कार्यवाह यांना भेटावे. सूचना करावयाची असल्यास लेखी करावी.
• २०) आपला पत्ता बरोबर असल्याबाबत या अर्जासोबत रेशनकार्ड, घराची पावती अगर अन्य दस्तऐवजाची झेरॉक्स प्रत सोबत जोडावी लागेल.

अनामत, मासिक वर्गणी आणि पुस्तके मिळण्याचे प्रमाण